O colectivo BD Banda fará o vindeiro luns, no marco do Salón do Libro Infantil e Xuvenil de Pontevedra, a presentación dos contidos da súa nova revista. Na cita, que será ás seis e media da tarde no Salón de Actos do Pazo da Cultura, daranse a coñecer as series e seccións que conformarán a que aspira a ser a primeira revista profesional galega de BD que tamén fai tirada para o conxunto do estado. Polo momento, o web do colectivo está a dar a coñecer as propostas dos diferentes autores que participarán no proxecto.
Máis información no web de BD Banda e nos nosos arquivos
