Libros, cursos e exposicións e todos co denominador común da fotografía. Este é o cometido de “Fotoxoguete” unha editorial que Carlos Puga acaba de presentar en Vigo. A súa presentación tivo lugar onte na galería Bacelos de Vigo, onde se inaugurou a mostra dedicada ao artista catalán Ricard Terré e cuxas fotografías se poden ver no primeiro libro “Cruces 2001”. Con el, ademais de inaugurar a editorial, inician a colección “Fragmentos” que se caracteriza por un formato de peto e un prezo asequible (10 euros). Entre as actividades previstas está a celebración de dous talleres de fotografía.
Máis información no Faro de Vigo
