Industria prepara un plan para evitar que ata 200 científicos galegos marchen do país

Ofrecer estabilidade laboral aos investigadores que traballan en Galicia para evitar a súa emigración. Esta é a idea coa que a Consellería de Industria está a traballar nun programa que quere incentivar a contratación destes profesionais. Entre outras medidas está a idea de unificar o programa Ramón y Cajal, de titularidade estatal co autonómico Parga Pondal. A nova iniciativa, que se comezará a aplicar o vindeiro ano, levará o nome de Manuel Colmeiro. Ademais de investigadores, Galicia tamén perde alumnos universitarios brillantes. Segundo publica hoxe "La Voz de Galicia" ata 200 alumnos con media de sobresaliente marchan cada ano estudar fóra do país.

Máis información en La Voz de Galicia sobre o Manuel Colmeiro; sobre a perda de alumnos universitarios