Foi un fin de semana de actos emotivos. Juan Oliveira, escultor coñecido pola súas representacións de cabalos, recibiu unha homenaxe cun presentador de luxo: Xosé Luís Méndez Ferrín. E ademais, en Xunqueira de Espadañedo, tivo lugar unha celebración colectiva: os veciños honraron o traballo de veciños ilustres. Ademais, hai unha conmemoración dun gran descoñecido: Ramón de la Sagra, que tal día coma hoxe naceu na Coruña en 1789.
Oliveira
Domingo. Un hipódromo. Xosé Luís Méndez Ferrín: "Xoan Oliveira fíxolle a mellor homenaxe do mundo a este animal que hoxe nos contempla, realmente ben montado. Iso é o que nós lle debemos a Oliveira, que construíu a mellor escultura animalística do mundo referida ó cabalo". Con estas palabras, Ferrín fixo de mestre de honras da homenaxe ó escultor Juan Oliveira no hipódromo de San Bartolomé, en Tui. Oliveira adicou toda a súa vida ós cabalos, e retratounos en numerosos cuadros.
Rodeado de moitos familiares e amigos, Oliveira entregou os premios do Concurso Hípico de Saltos e manifestou que "agardo institucionalizar este concurso aínda que morra".
Agradecemento colectivo
E en Xunqueira de Espadañedo homenaxearon a seis persoas da vila que co seu traballo marcaron a historia da comunidade. Hermógenes González, antigo alcalde da vila, Antonia Fernández, Juan Manuel Novo, Gumersindo Fernández, Rogelio Álvarez e Antonio Cid, atleta paralímpico, foron homenaxeados por máis de douscentos veciños.
Un gran descoñecido
O 8 de abril de 1789 nacía na Coruña Ramón de la Sagra, un pensador multidisciplinar, segundo indica El Correo Gallego. O seu pensamento moveuse entre o socialismo utópico, o anarquismo, a masonería, o abolicionismo da escravitude, o misticismo relixioso e o absolutismo conservador. Alumno do xeógrafo Domingo Fontán, De la Sagra fuxiu a Madrid ós 21 anos e alí deu a coñecer as teses de Kant no Estado. Vencellado á masonería galega, De la Sagra partiu para París en 1856, onde foi cónsul de Uruguai. Fuxiu da capital francesa en 1870, ante o cerco prusiano, e refuxiuose nunha aldea suíza próxima a Neuchatel, onde morreu en 1871.
Oliveira
Domingo. Un hipódromo. Xosé Luís Méndez Ferrín: "Xoan Oliveira fíxolle a mellor homenaxe do mundo a este animal que hoxe nos contempla, realmente ben montado. Iso é o que nós lle debemos a Oliveira, que construíu a mellor escultura animalística do mundo referida ó cabalo". Con estas palabras, Ferrín fixo de mestre de honras da homenaxe ó escultor Juan Oliveira no hipódromo de San Bartolomé, en Tui. Oliveira adicou toda a súa vida ós cabalos, e retratounos en numerosos cuadros.
Rodeado de moitos familiares e amigos, Oliveira entregou os premios do Concurso Hípico de Saltos e manifestou que "agardo institucionalizar este concurso aínda que morra".
Agradecemento colectivo
E en Xunqueira de Espadañedo homenaxearon a seis persoas da vila que co seu traballo marcaron a historia da comunidade. Hermógenes González, antigo alcalde da vila, Antonia Fernández, Juan Manuel Novo, Gumersindo Fernández, Rogelio Álvarez e Antonio Cid, atleta paralímpico, foron homenaxeados por máis de douscentos veciños.
Un gran descoñecido
O 8 de abril de 1789 nacía na Coruña Ramón de la Sagra, un pensador multidisciplinar, segundo indica El Correo Gallego. O seu pensamento moveuse entre o socialismo utópico, o anarquismo, a masonería, o abolicionismo da escravitude, o misticismo relixioso e o absolutismo conservador. Alumno do xeógrafo Domingo Fontán, De la Sagra fuxiu a Madrid ós 21 anos e alí deu a coñecer as teses de Kant no Estado. Vencellado á masonería galega, De la Sagra partiu para París en 1856, onde foi cónsul de Uruguai. Fuxiu da capital francesa en 1870, ante o cerco prusiano, e refuxiuose nunha aldea suíza próxima a Neuchatel, onde morreu en 1871.
