Pontevedra celebra desde onte unha nova edición de Ferpalia, un salón profesional do turismo organizado pola Cámara de Comercio, o Concello e a Deputación. Como novidade desta edición, que contará coa presenza de 2.000 profesionais, o evento ofrece información de conxuntos históricos-artísticos como son Combarro, Baiona, Allariz ou Cambados. Relacionado co turismo, o concello de Lalín vén de anunciar a creación dunha empresa municipal que se dedicará a este sector. As 270 carballeiras catalogadas, as festas gastronómicas como a do Cocido, e a oferta museística e o patrimonio arqueolóxico e arquitectónico do concello, así como as últimas cifras de visitantes, foron determinantes para que o concello se decidise a crear este organismo que contará co apoio da sociedade “Turismo Rías Baixas”.
Máis información no web do evento e sobre a sociedade creada polo concello de Lalín na edición de hoxe de Diario de Pontevedra
