En 1996 nacía en Santiago un festival para achegar historias contadas a través de marionetas. Hoxe, dez anos despois, comeza unha nova edición que pasou de ter 7 a 21 compañías que nesta edición (a undécima) representarán 82 funcións. Xa non é só un espectáculo para nenos, agora contan con funcións para adultos, cursos e seminarios que converten Santiago na capital do pequeno ata o domingo. Ademais, a Galería Sargadelos, o Instituto Rosalía de Castro e a Cafetería Rúa Nova acollerán varias exposicións que servirán para achegarnos ao mundo dos monicreques.
Máis información no web da XI edición de Galicreques
