O voceiro de Cultura do PPdeG, Ignacio López-Chávez, denunciaba onte no Parlamento a contratación irregular dun xefe do gabinete técnico do Instituto de Artes Escénicas e Musicais (IGAEM) entre outras prazas desta entidade. Segundo López-Chaves, este posto cubriuse coma persoal laboral de alta dirección, o que contradixo alegacións da Intervención Xeral da Xunta. Ao tempo, acusou a Consellaría de Cultura de ocultar información sobre outros procesos deste tipo. Pola súa banda, Ánxela Bugallo, titular do departamento, lembrou que esta contratación se realizou co apoio dos membros do PP no Consello Rector do Instituto e que, por outra banda, non se alterou o número de prazas no IGAEM.
Máis información en Galicia Hoxe, en La Voz de Galicia
