O encontro que Ánxela Bugallo, conselleira de Cultura e mais Carmen Calvo, a súa homóloga en Madrid, mantiveron onte, deu en varios acordos. Por unha banda, o Ministerio comprometeuse a achegar técnicos para avaliar polo miúdo o dano que puideron sufrir bens patrimoniais en Galicia por mor dos lumes. Pola outra, anunciaron a vindeira sinatura dun convenio para que copias dixitais dos fondos monásticos galegos depositados fora do país volten a Galicia, seguindo unha proposta que fixera Francisco Rodríguez no Parlamento. Finalmente, acordouse un investimento de 1,4 millóns de euros para dotar de fondos as biblicotecas galegas, e o apoio do Ministerio ao novo centro coreográfico galego.
Máis información en Galicia Hoxe