Os abonados ao servizo da axencia de novas Europa Press en Galicia dispoñen desde onte dunha versión en galego de todos comunicados que reciben. Uns 110 teletipos diarios chegarán na nosa lingua ás redaccións dos principais xornais e empresas, bancos e administracións mediante a chamada "Canle Galega". A empresa, de ámbito estatal, xa dispuña de edicións en catalán e euskera, e ata o momento só mantiña unha pequena porcentaxe de novas na nosa lingua.
Máis información en Galicia Hoxe; as novas en galego no web da axencia