A programación lúdica do Xacobeo achegará actividades a oitenta vilas do país baixo o título "Vai de camiño"

Aínda que este non é Ano Santo, a Sociedade de Xestión do Xacobeo non deixa de artellar propostas lúdicas e culturais coas que animar os visitantes do noso país. Deste xeito, ontte presentábase en Compostela "Vai de Camiño", un programa que achega música, monicreques, danza ou teatro a oitenta vilas diferentes. A idea, segundo explicaron os promotores desta iniciativa, é crear un circuíto estable, relacionado coas diferentes rutas xacobeas, no que desenvolver unha programación anual variada. Mercedes Peón, Mofa e Befa, Milladoiro, o Mago Teto, The Homens ou Deluxe son só algúns dos nomes que participan nesta iniciativa.

Máis información no web da Consellaría de Industria e en Galicia Hoxe