O Congreso Internacional Galicia: Éxodos e Retornos, que organiza o Consello da Cultura Galega arrincou esta mañá cunha emocionada lembranza ao I Congreso da Emigración. Algúns dos asistentes a aquel primeiro encontro de galegos no exterior, que se celebrou en Buenos Aires en 1956, estiveron presentes na xornada inaugural. En concreto, foron Xosé Neira Vilas, Anisia Miranda, Marivi Villaverde e Antón Santamarina os que ofreceron unha lembranza en primeira persoa daquel acontecemento histórico.
Máis información no web do Consello da Cultura