Hai que aproveitar o verán para botar unhas risas. Polo menos, propostas neste sentido hai abondas. A Asociación Cultural Manicómicos, por exemplo, presentaba onte na Coruña a terceira edición do Festival homónimo. Este evento desenvolverase na primeira quincena de xullo e achegará cómicos internacionais da altura de Leo Bassi, Pierre Byland e Familie Flöz, entre outros. E en acabando este festival, comeza en Compostela, o trinta e un dese mesmo mes, o veterano Festiclown, onde tamén estará Leo Bassi canda a outros pallasos coma Jango Edwards.
Máis información en La Opinión e web do Festiclown
