“Praza das letras” é o nome da publicación da consellaría de Cultura e Deporte para a promoción do libro e da literatura. No primeiro número da publicación, que se pode descargar desde o seu sitio web, conta con información sobre a futura Lei do Libro, as bibliotecas na rede e sobre Manuel Lugrís Freire. O web desta iniciativa quere converterse nun "grande portal de difusión da lectura", segundo sinala a revista, no que confluirán bases de datos de autores, ilustradores, librarías e mesmo o proxecto Meiga de bibliotecas entre outros contidos. O proxecto preséntase no Día das Letras e forma parte das iniciativas da Consellaría con motivo da celebración, entre as que destaca “17demaio.org”, un web no que ofrece información sobre todo os homenaxeados desde que a Real Academia Galega, decidise institucionalizar esta efeméride.
Máis información no web Prazadasletras.org e 17demaio.org
