Galicia contará con 5.490 prazas de ensino infantil nos vindeiros dous anos. O vicepresidente da Xunta, Anxo Quintana, presentaba hoxe o proxecto Galescola, que prevé a creación de 99 centros dedicados a este labor. Segundo explicou o vicepresidente, as Galescolas buscarán unha educación de calidade e en galego para os máis pequenos. O proxecto conta cun investimento aproximado 29 millóns de euros e, entre outros obxectivos, quere crear infraestruturas deste tipo no rural para evitar a perda de poboación.
Máis información no web de Vicepresidencia