Películas, libros e bolsas son algunhas das iniciativas para festexar o Día das Letras Galegas

Como estamos próximos ao Día das Letras Galegas (17 de maio) comezan a coñecerse as actividades coas que cada entidade ten previsto celebralo. A Secretaría Xeral de Política lingüística, o Seminario Galego de Educación para a paz e a Secretaría Xeral de Comunicación achegaron as súas posturas para unir a festa das letras co audiovisual e presentar “Cine para Convivir”. Un proxecto que levará películas galegas aos centros escolares. Gadisa, a cadea galega de supermercados, repartirá bolsas de compra con poemas de Manuel Lugrís, o homenaxeado nesta edición, e 10.000 libros para nenos. E ese mesmo día “Galicia Hoxe” cumpre tres anos. Para celebralo o xornal repartirá fascículos do libro “Todo pasa, todo queda”, a revista “Maneiras de vivir” e a camiseta “Día das letras”.

Máis información sobre o proxecto “Cine para convivir”, a iniciativa de Gadisa e as actividades de “Galicia Hoxe”