Domingo Frades, presidente da Asociación Fala e Cultura e académico correspondente da RAG recoñeceu que a lingua que empregan no val do Xálima é galego, aínda que aclarou que se trata dunha variante medieval da nosa lingua. Deste xeito responde á polémica que se suscitou nos últimos días sobre a galeguidade da Fala, e amosouse partidario de recibir axudas da Xunta para conservala. Pola súa banda, a Asociación Fala Ceibe do Bierzo acaba de presentarlle un escrito ao Procurador do Común de Castela e León a denunciar que non se está a dar información sobre a posibilidade de ensinar galego nos centros de ensino desta comarca.
Máis información sobre a Fala El Ideal Gallego e nos nosos arquivos; sobre a carta de Fala Ceibe en Vieiros
