A vista que o premio Nobel Adolfo Pérez Esquivel está a facer ao noso país con ocasión da Semana Galega de Filosofía serviulle para avanzar novas sobre o Parque da Memoria, o proxecto que dirixe en Poio. Esquivel agarda que o recinto estea finalizado este mesmo ano, e asegurou que conta xa cun texto de José Saramago e co compromiso doutros cinco premios Nobel, entre eles Nelson Mandela e Rigoberta Menchú, para participar neste proxecto. O parque quere ser un espazo dedicado á paz e ao entendemento entre os pobos, que ao tempo lembra a relación entre Galicia e América.
Máis información en La Voz de Galicia, en Faro de Vigo e nos nosos arquivos
