Segundo un informe da Federación de Libreiros de Galicia corenta e unha librarías pecharon as súas portas ou cambiaron de actividade nos últimos tres anos. Os libreiros apuntan ao sistema de préstamo de libros como causante directo desta situación e prevén unha perda de 18 millóns anuais en vendas para os seguintes anos. Os libreiros cren que o 60 por cento das librarías veranse abocadas ao peche de seguiren as circunstancias actuais. Nos últimos anos, segundo o informe, perdéronse máis de 150 empregos entre libreiros, editoriais e distribuidores e calculan en 1.500 os que poderían perderse de chegar á plena implantación do préstamo. O sector do libro, que aumentou as súas críticas ao sistema de préstamo gratuíto cando este se ampliou a toda a etapa de primaria, segue a insistir en que hai que cambiar o método e propoñen outras alternativas operacionais dentro dun sistema de gratuidade.
Máis información en La Voz de Galicia
