Todos os programas culturais que emitan a Televisión de Galicia e mais a Radio Galega contarán co patrocinio da Fundación Caixa Galicia. A CRTVG e mais a fundación asinaban onte o convenio polo que a entidade privada achegará recursos económicos coa intención de facer destes espazos unha referencia neste campo. Pola súa banda a TVG comprometeuse a que os seus programas informativos acheguen unha información preferente a ciclos culturais arraigados coma o Festival Mozart ou o Are More, patrocinados tamén pola Fundación Caixa Galicia. Este convenio afectará a programas coma "Miraxes", "Alalá" ou "Planeta cine" na TVG ou ao "Diario cultural" ou "Os directos da galega" no caso da radio.
Máis información en El Correo Gallego
