A segunda fase do proxecto “Cidades dixitais” xa está en marcha. Conta cun orzamento de 813.000 euros do Ministerio de Industria para realizar actuacións en Vigo e en Lugo, as últimas cidades galegas en incorporarse ao proxecto que financian as tres administracións (central, autonómica e local). Pero hai outra novidade para Lugo que, ademais de ser cidade dixital, é unha das localidades que contará cun museo virtual. Xunto con Ferrol, Ribadeo, Mondoñedo, Ribadavia, Allariz e Celanova forma parte do “Programa de Asistencia e Xestión Urbana Sostible (Pagus)” que permitirá amosar a evolución destas localidades a través dun programa virtual.
Máis información sobre as “Cidades Dixitais” Festival e sobre o proxecto Pagus no web da Xunta
