O Acuario do Grove acollerá un novo exemplar de foca gris mentres se recupera antes de volver ao mar

O sábado ás 12 h. da mañá chegará Rinlo, un exemplar de foca gris, ao Acuario do Grove. Rinlo foi atopada na localidade do mesmo nome, en Ribadeo, a finais de xaneiro, moi esgotada e desnutrida polos biólogos da Coordinadora para o Estudio dos Mamíferos Mariños (CEMMA). Os científicos sometérona a un tratamento de recuperación na Unidade de Recepción de Fauna desta agrupación en Ferrol. No Grove, Rinlo exercitará de novo a súa musculatura antes de ser devolta ao mar. A CEMMA subliñou que “se evidencia cada día unha maior necesidade dun centro de recuperación específico para a fauna mariña ameazada”.

Máis información e fotos na CEMMA