Estes días sucédense as homenaxes e as actividades de persoeiros representativos da cultura. Esta tarde Luís Álvarez Pousa abordará en Santiago unha conferencia sobre a situación da prensa no tempo do galeguista, xornalista e tradutor Plácido Castro (1902-1967), homenaxeado co gallo do seu pasamento. En Pontevedra, o salón de actos do Museo de Pontevedra celebrou o 25 aniversario doutra morte, a do intelectual Alfredo García Alén. Ademais, a Universidade de Santiago continúa con outra das súas actividades incluídas dentro do programa de homenaxe a Bal y Gay. A musicóloga Rosa María Fernández García, especializada na música do século XX, abordará a faceta menos coñecida de Bal y Gay, a que fai referencia á súa actividade política.
Máis información sobre a homenaxe a García Alén no Diario de Pontevedra e sobre Plácido Castro na nosa hemeroteca
