A Enquisa Continuada de Orzamentos Familiares que acaba de publicar o Instituto Nacional de Estatística (INE) deixa cifras preocupantes para Galicia. Cinco de cada dez fogares galegos (51,65%) asegura que chega con dificuldades a fin de mes e, dentro destes, un faino con moita dificuldade e dous con dificuldade. Curiosamente, a mesma enquisa tamén revela a que a comunidade galega aumenta a porcentaxe de fogares que poden aforrar algúns cartos, exactamente un 6.8% máis que hai un ano.
