“Dorian” é o tema da composición coa que Eduardo Soutullo se acaba de facer cos 12.000 euros do Premio Internacional de Composición que tivo lugar en Tarragona. Non foi o único galego que conseguiu un premio, xa que o ourensá Emilio Rúa acaba de gañar o Festival de Cantautores de Elxe con “Querida alegría”, unha canción interpretada en galego. Seguindo con música, a discográfica galega Ouvirmos presenta hoxe no salón de actos do Consello da Cultura Galega, o disco “Os gaiteiros de Soutelo”. Trátase da primeira compilación dos rexistros sonoros realizados en Ourense en 1928 e que xa se pode mercar nas tendas.
Máis información sobre o premio de composición en terra e sobre “Os gaiteiros de Soutelo” no web de Ouvirmos
