Dous dos creadores de máis éxito do panorama editorial volven xuntarse por Nadal. Manuel Rivas e Miguelanxo Prado unen a súa creatividade dous anos despois daquel volume “Contos de Nadal” (Eds. Xerais, 2003). Neste caso o asunto é algo distinto xa que Prado pasou a ilustrar un libro xa escrito e coñecido de Rivas “A lingua das bolboretas” engadíndolle dezasete ilustracións orixinais. O libro, publicado por iniciativa da Asociación á Iniciativa Aian, formada por doce empresarios de Vigo, presentouse onte no Consorcio da Zona Franca ante máis de mil persoas. O libro, cunha tirada de catro mil exemplares, será un agasallo dos empresarios aos seus clientes e tamén se porá á venda outra tirada de tres mil exemplares nas librarías.
Máis información en La Voz de Galicia
ficha en Lg3 de Contos de Nadal
