“Universatúa” é o nome da feira que desde hai catro anos organiza a Universidade de Vigo para poñer en común a situación das asociacións que se crean ao abeiro do ámbito educativo. Ademais de dar a coñecer o seu traballo, os participantes nestas xornadas analizarán tanto os retos da Administración ante o tecido asociativo, como as relacións entre voluntariado e cooperación, desenvolvemento tecnolóxico e a cultura e as artes. Entre as actividades paralelas desta IV edición figura o “Mundialito” da Universidade no que participan 27 equipos de fútbol que enfrontan a colectivos inmigrantes de Vigo con equipos formados con estudiantes dos programas Erasmus.
Máis información no Duvi
