A delegación galega e portuguesa que está desprazada en París para conseguir a proclamación do Patrimonio Inmaterial Común coma Obra Mestra da Humanidade agarda con optimismo a proclamación para o vindeiro venres. O pasado sábado o embaixador español na UENSCO, José María Ribao, anunciou o seu apoio público para esta proposta. Ademais, realizáronse estes días diferentes presentacións na cidade da luz, e hoxe mesmo comezaban as deliberacións do comité que decidirá se a nosa proposta consigue o recoñecemento deste organismo internacional. Polo momento, as perspectivas son optimistas e TVG programa para esta noite unha gala dedicada ao patrimonio inmaterial.
Máis información no La Voz de Galicia, en Galicia Hoxe, no Faro de Vigo e nos nosos arquivos
