Hoxe abre en Santiago a maior exposición da historia da Obra Social de Caixa Galicia, e faino cun nome propio: o de Frida Kahlo. O seu universo atormentado e colorista recóllese nunha mostra que trae as súas obras máis representativas, unha selección de fotografías e obxectos persoais. Pero o mito de Frida está enraizado no seu contexto cultural, por iso a cultura mexicana tamén tiña que estar presente. Faino a través da súa gastronomía (cun curso de cociña), a súa música (cun ciclo de concertos) e a súa cinematografía (coa proxección de seis filmes). Ademais, na rolda de prensa de presentación o director xeral de Caixa Galicia, Xosé Luís Méndez, abriu a porta á posibilidade de completar esta revisión ao mito de Frida cunha mostra dedicada ao seu marido, o pintor Diego Rivera.
Máis información no web da Fundación Caixa Galicia sobre a exposición e as actividades complementarias
