Unha vez máis, a Sala Galán presenta a súa programación advertindo que pode ser a última. A expresión do silenzo en “Downfall II” da coreógrafa e bailarina Ana Eulate acaba de abrir a programación para este último trimestre. Despois, segundo os seus directores, Ana Vallés e Baltasar Patiño, é posible que o teatro peche aínda que “a intención non é acabar, pero xa non depende de nós”. Os responsables da Galán están pendentes de sendas entrevistas co director xeral de Creación e Promoción Cultural, Luís Bará, e co concelleiro compostelano, Néstor Rego.
Máis información en La Voz de Galicia, Galicia Hoxe e sobre a Sala Galán na nosa hemeroteca
