Ademais de contar en breve cunha nova escola de gravado e de cerámica, Pontevedra verá no futuro novos investimentos da Consellería de Cultura. Ánxela Bugallo, titular deste departamento, anunciou a súa intención de facer da cidade a capital das artes de Galicia. No marco deste proxecto sinalou que se revisará o plan da Illa das Esculturas e que se buscará a implicación da Universidade de Vigo. A Facultade de Belas Artes, a Bienal da Deputación Provincial, o Museo e a Escola de Canteiros son algúns dos elementos nos que a consellería quere apoiar o seu proxecto.
Máis información en La Voz de Galicia e nos nosos arquivos
