A primeira visita de Luís Bará, director xeral de Creación Cultural a Pontevedra, onde exerceu como concelleiro de cultura, deu no anuncio dun incremento das dotacións culturais nesta cidade. Unha Escola de Gravado e Cerámica instalarase a partir do primeiro trimestre de 2006 no soto da sala Teucro, actualmente sen emprego e dependente da Delegación de Cultura. Bará indicou que este novo espazo deberá establecer unha relación constante con institucións coma a facultade de Belas Artes para "promover Pontevedra como cidade das artes de Galiza". Na actualidade este espazo xa se emprega para obradoiros de esmalte e cerámica.
Máis información en La Voz de Galcia e no Diario de Pontevedra
