Once estreas de cine e vintecatro videos saíron en galego desde 1998

Galicine

A Mesa pola Normalización Lingüística vén de achegar os datos sobre a presencia do galego no cinema. As cifras sinalan que nos últimos tres anos foron once as películas que se estrearon en cine no noso idioma, e vintecatro as que saíron en video. Por outra banda, o Teatro Principal de Compostela está a ofrecer un ciclo dedicado á novos intérpretes.

En galego


Segundo os datos achegados pola Mesa, o convenio da Xunta con productoras coma Filmax permitiu a dobraxe deonce películas para a súa exhibición en cinema. Este acordo, realizado en 1998 contemplaba a colaboración da Xunta para asumir os gastos de dobraxe destas películas, que onda a desconfianza dos exhibidores é un dos argumentos das productoras para non realizar este labor. Ademais de Filmax, a productora Continental levou ó galego seis películas, na súa maioría coproduccións con outros países, entre as que se atopaba a premiada "Sei quen és". No video a maior parte das películas que saíron en galego eran de temática familiar e infantil.


Novos intérpretes en Compostela



O Teatro Principal de Santaiago está a ofrecer un ciclo de seis películas dedicado ós novos intérpretes. Con este ciclo preténdese facer unha panorámica polos novos actores que comezan a despuntar no cine, ofrecendo películas que nalgúns casos non apareceron no circuíto comercial.Os seis filmes que se ofrecen e distintos horarios durante esta semana inclúen "Mozos Prodixiosos", "23", "Liberty Highs", "Las vírgenes suicidas", "Jóvenes Prodigiosos2 e "La virgen de los sicarios".