A construción da minicentrais hidroeléctricas de Brandariz e de Touro, no río Ulla, foi paralizada por orde da Xunta ao entender o goberno galego que non cumprían a legalidade. As concesións para a creación destes saltos foran anuladas por decisión xudicial o pasado mes de abril, pero ata o momento non se fixera efectiva a paralización. Simultaneamente, nunha entrevista a “El Correo Gallego”, Manuel Vázquez, conselleiro de Medio Ambiente, sinalou que “o terreo das centrais hidráulicas xa está esgotado” e apostou por un plan enerxético que avogue polo desenvolvemento sostible. Vázquez apuntou que se revisarán os procesos que realizou o anterior goberno nos seus últimos meses para autorizar a construción de minicentrais.
Máis información en La Voz de Galicia, en Galicia Hoxe e en El Correo Gallego; o noso tema sobre a política enerxética
