Só tres de cada cen turistas que visitan España pasan por Galicia, segundo os datos que acaba de facer públicos o Instituto de Estudos Turísticos do Ministerio de Industria. Sen embargo, temos os visitantes que fan un maior gasto, nada menos de 1.131 euros, case trescentos máis do que é habitual no conxunto das comunidades. E iso que tampouco paran moito, xa que o normal é que pasen 2,14 noites no país, fronte ás 3,52 da media estatal. En conxunto, o turismo no noso país supón só un 1,7% do negocio deste sector no estado, e as cifras de visitantes no voltaron chegar, segundo estes datos, aos máximos históricos do ano 2002, en que se superaron os 770.000 turistas.
Máis información en La Voz de Galicia
