En 2007 viñeron a Galicia case seis millóns de turistas, pero fixeron menos gasto

As cifras do turismo en Galicia acadaron uns valores destacados en 2007. Neste ano incrementouse nun 8% o número de visitantes a respecto do anterior, o que supón nada menos que 5.726.827 turistas. Iso si, os 77,78€ que gastaron de media por persoa e día supón un descenso duns dous euros a respecto de 2006. As visitas supuxeron unha ocupación media do 55,15% das prazas hoteleiras, dous puntos máis que nos doce meses anteriores. A cifra ten máis importancia se temos en conta que o número de camas medrou este último ano en case 2.000.

Máis información no web da Dirección Xeral de Turismo e en La Voz de Galicia e en El Correo Gallego