Ata o de agora, todas as probas de ADN tiñan que enviarse a analizar ben a Barcelona ben a Sevilla. Pero o Ministro do Interior, José Antonio Alonso, acaba de confirmar que A Coruña terá o vindeiro ano un laboratorio de ADN e que cubrirá toda a zona norte. Non será o único centro para A Coruña xa que o Ministro adiantou que no 2007 se construirá na cidade un laboratorio químico toxicolóxico para a policía científica. É un dos proxectos que se financiarán cunha partida de 3 millóns de euros que acaba de aprobar o Ministerio de Interior para as forzas de seguridade.
Máis información en La Voz de Galicia e en La Opinión
