Rubén Balsa, artista que experimenta a implantación da tecnoloxía dixital na imaxe e que xoga co eco do acontecemento, devolve a Xosé Manuel Lens cinco respostas a cinco preguntas nos “Diálogos búmerang”. Fran Morell trae unha chea de novas que percorren escenarios da ciencia ficción e lugares de ultratumba no seu percorrido da actualidade de “Os 7 fantásticos”. Traemos ao presente a revisión humorística da historia a través do traballo de Xaquín Marín en “Trinta anos de humor gráfico de Xaquín Marín”, un percorrido indispensable. Videoxogos, encrucillados, cuestionarios... Todo en pasatempos para o lecer na sección de Entretemento.