Dúas olladas fotográficas para esta fin de semana. Xurxo Lobato, referente do fotoxornalismo e artista da imaxe guíanos polos sitios de Internet deixándonos ver “Os favoritos de Xurxo Lobato”. Desde a nova creación artística Maribel Castro mantén con Xosé Manuel Lens un dos efectivos “Diálogos Búmerang” sobre arte contemporánea. En “Os 7 fantásticos” Fran Morell consegue manternos ao fío da actualidade máis inmediata sobre os produtos e personaxes do xénero da fantasía e ciencia ficción de todo o planeta. Rememoramos a traxectoria de Xaquín Marín e a vixencia do seu traballo en “Trinta anos de humor gráfico de Xaquín Marín”. E deixamos sobre a mesa unha oferta de lecer cos pasatempos e xogos da sección de Entretemento.