Profesionais relacionados co mundo museístico como Cecilia Pereira, historiadores como Xurxo González, escritores como Suso de Toro, Méndez Ferrín ou Manuel María Romón, así como personalidades do mundo da cultura subscribiron un manifesto no que denuncian o “desmantelamento do Centro Galego de Arte Contemporánea”. Unha iniciativa que pide que a Consellaría de Cultura “paralice” a situación actual que se ten agravado coa diminución do cadro de persoal. Isto chega nun momento no que o centro está a converterse en Fundación, logo de que así o decidira o seu padroado nunha xuntanza celebrada o pasado 21 de abril.
Máis información en La Opinión e sobre a conversión do CGAC en fundación na nosa hemeroteca
