Fran Morell achéganos a información ao día sobre a vindeira primeira edición da convención hispano-lusa de fantasía e ciencia ficción en Vigo. Todas as novidades sobre a Ibercon e moitas maís novas do xénero en “Os 7 fantásticos”. Xosé Manuel Lens volve cos “Diálogos Búmerang” a tomar o pulso dun dos novos valores da arte contemporánea; Félix Fernández responde ás súas preguntas sobre a creación, o estado da cuestión e outras moitas reflexións e proxectos. Do mirar sarcástico de Xaquín Marín á realidade durante tres décadas sacamos cada semana unhas pingas do humor que foi facendo e que mantén a súa completa vixencia. Completamos a oferta de lecer cos videoxogos e os pasatempos que xa son un clásico do ocio.