Desde a presenza de dez autores galegos nas Ramblas barcelonesa a asinar exemplares, ata os especiais dos diferentes xornais ou as casetas que saíron á rúa en varias cidades do país, Galicia celebrou este sábado o Día do Libro de 2005 con abondosos actos. Deste xeito, na inauguración oficial da Feira do Libro en Compostela, o conselleiro de Cultura, Xesús Pérez Varela, apuntou que "xa dispomos dos anteproxectos da nova Lei de Bibliotecas e do Libro". A Consellaría repartiu, con ocasión desta efeméride libros nos principais estadios de fútbol do país. En Lugo un Quijote percorreu as rúas da cidade. Canda a estes actos, lecturas colectivas, presentacións e outros eventos encheron de letras a fin de semana.
Máis información en Galicia Hoxe e en La Voz de Galicia
