Tres días de congreso sobre Lorenzo varela en Monterroso afondarán na súa vida e obra desde o máis persoal ata o estudo literario

Monterroso acollerá entre o 28 e o 30 de abril un exhaustivo congreso sobre Lorenzo Varela, escritor monterrosino ao qu este ano se dedica o Día das Letras Galegas. O congreso, organizado pola Consellaría de Cultura, presenta un amplo programa de intervencións no que se afondará en todas as facetas do autor, desde o literario ao activismo político e á visión máis persoal e achegada. Está prevista a participación de numerosos estudosos e amigos de Varela. A lista é ampla: Xesús Alonso Montero , Carlos López Bernárdez , Pablo Quintá García, Carlos Callón, Xosé Ramón López García, Daniel Salgado, Xosé Antonio Ponte Far, Carmen Blanco, Antón Lopo, David Otero, Xosé Luís Axeitos, Inés Canosa, Isaac Díaz Pardo, NeiraVilas, Fernado Scornik, Gregorio Ferreiro Fente, Xosé Anxo García López, Xosé Ramón Brea Rey e Alfonso Vázquez Monxardín.

Máis información no sitio do Congreso Lorenzo Varela