O Teatro Principal de Santiago acolleu esta fin de semana a final do Certame Folk Radio Obradoiro. Un evento que gañou o grupo compostelán “Arras!!” e onde o premio consiste na edición dun disco. E mentres remataba o certame en Santiago, en Arteixo comezou o domingo o VI Concurso de Música Tradicional. No evento que organiza a asociación xuvenil Xiradela de Arteixo participan 80 grupos de toda a provincia e terá continuación o vindeiro domingo.
