David Rubín gaña de novo o certame de BD de Arteixo

David Rubín gañou por segundo ano consecutivo o primeiro premio na categoría de adultos do concurso de Arteixo. O debuxante ourensán fíxose cos 500 € do galardón grazas á historia “O segundo que quería dicirme”. Os 350 € do segundo posto foron para “Lúa aprende a falar” de Xaquín Manuel Calo García “Xeno” (do Porto do Son), quen tamén gañara o pasado febreiro o II Concurso de BD O Alfaiate. 250 € recibirá polo 3º premio de adultos o coruñés Luís Sendón Cedrón, que enviou a Arteixo “O segredo”. Na categoría xuvenil o resultado ficou así: 1º Jorge Gantes Crespo, 2º Nuria Díaz Berride, 3º Eduardo Fernández Peral. No ámbito infantil venceu Roi Abad e o mellor artista local resultou Felipe Carballeira. A entrega de premios terá lugar o venres 2 de abril ás 20:00 h no Centro Cívico Cultural.

Podes consultar os premios do ano pasado na nosa sección de noticias.