Os contos de Andersen serán a base do maratón de lectura que organizan a Fundación Granell e a Asociación Galega do Libro Infantil e Xuvenil ( GALIX ) para o 1 de abril. A xornada de lectura das obras do autor danés, do que se celebra o bicentenario do seu nacemento, servirá para conmemorar o Día Internacional do Libro Infantil e Xuvenil e desde as dez da mañá ás oito e media da tarde leranse ininterrompidamente as obras de Andersen na sede da Fundación Eugenio Granell no Pazo de Bendaña en Santiago. A organización convida a todos os interesados a sumarse a esta actividade e participar coa súa lectura.
Máis información na Fundación Eugenio Granell
