A Federación galega de Centros Xuvenís Don Bosco promove a lingua con xogos

A comba, a pita cega, a billarda, a buxaina, a chave, o truco e a panda son, desde hoxe, algo máis que xogos. Son os divertimentos cos que os rapaces se achegarán máis ó idioma e á cultura e que se chama "Xoga en galego". Unha iniciativa que parte das sete agrupacións que forman a Comisión Galiza da Federación de Centros Xuvenís e que traballan xuntas na promoción da lingua e da cultura.

Actividades



Cada un dos sete xogos seleccionados para esta campaña ten un logotipo, unha histoira, unha banda deseñada e unha frase coa que os máis novos se adentran na lingua e na cultura. Para xogar deste xeito cómpre recorrer os carteis e adhesivos que se se distribúen en centros e asociacións culturais, centros educativos de lecer e de tempo libre de toda Galicia. Unha especie de Unidade Didáctica que será a guía de traballo de educadores e axentes de dinamización sociocultural.
Por outra banda, a campaña "Xoga en Galego" pretende facer unha especie de clube coa creación dun carné. O único requisito é o de que todos os membros integrantes queiran descubrir a cultura.
Ademais, a campaña inclúe, ademais das fichas dos xogos, unha xornada en Ribadavia, na que se prevé unha participación masiva de nenos.













Iniciativa e financiamento




A idea que xenerou a campaña "Xogar coa lingua" parteu dunha iniciativa da Comisión Galiza do centro ourensán Amencer. Unha iniciativa coa que se pretendía a normalización do idioma, mediante actividades lúdicas que resultaran o suficientemente atractivas para os máis pequenos.
Esta idea foi acollida con interese polo Comisión Galiza da Federación de Centros Xuvenís Don Bosco que agrupa a sete asociacións (dúas na Coruña, dúas de Vigo, outras tres en Ourense, Lugo e Santiago). Colabora tamén na realización deste proxecto en colaboración coa Dirección Xeral de Política Lingüística e con fondos da UE, destinados para iniciativas interrexionais.