Nace “Etno Folk”, a primeira revista dedicada á etnomusicoloxía galega

Desde Baiona, a empresa Dos Acordes S.L. acaba de lanzar “Etno-Folk. Revista de Etnomusicoloxía Galega”, unha publicación cuadrimestral que pretende achegar aos interesados por estas cuestións unha plataforma onde poidan publicar os seus traballos de investigación. Deste xeito, as cento cincuenta e seis páxinas do primeiro número inclúen artigos sobre O gaiteiro do Fragoselo, a relación da Institución Libre de Ensinanza coa música tradicional, o acordeón diatónico ou as viaxes de agrupacións tradicionais a Sudamérica antes da guerra. Cada número da nova publicación poderá adquirirse por doce euros e a subscrición anual custará trinta.

Máis información no correo de Dos Acordes