Os últimos sucesos acontecidos no ámbito escolar comezan a ter as primeiras reaccións. Os conselleiros de Educación do Partido Popular de todo o estado acordaron en Palma de Mallorca crear observatorios de convivencia para evitar que se repitan situacións violentas tanto entre alumnos, como entre alumnos e profesores. No caso concreto de Galicia, tal e como indicou Celso Currás a Europa Press, a Xunta prepara dúas liñas de actuación: unha que desenvolverán os centros escolares e será do seu ámbito de competencia, e outra xeral, que corresponderá á propia consellaría. Ademais, o titular de educación asegurou que o que se chamará “Plan de Mellora da Convivencia” será unha prioridade da súa carteira.
Máis información en La Voz de Galicia
