O director do Instituto Cervantes, o galego César Antonio Molina, estivo onte en Coruña para visitar as instalacións da Real Academia Galega. Unha visita que na que fixo dous anuncios: en primeiro lugar, que o instituto difundirá o galego en todas as súas sedes e que organizará unha semana de Galicia nalgunha capital en colaboración coa RAG; en segundo lugar, que en xuño, A Coruña será a sede dun encontro que reunirá a todos os directores dos centros do Cervantes. Unha xuntanza á que poderán asistir, segundo publican os xornais da Editorial Prensa Ibérica, Ramiro Fonte (Pontedeume, 1957) e Antón Castro cuxos nomes soan con forza para os institutos que a entidade ten en Lisboa e Milán respectivamente, pero que gardan silencio ata que se oficialicen os seus nomeamentos.
Máis información en La Opinión
