Dúas importantes novidades veñen de anunciarse ao respecto do 25 aniversario da editorial Sotelo Blanco. O fundador e propietario da empresa, o empresario afincado en Barcelona Olegario Sotelo, anunciou a súa intención de trasladarse a Santiago e dirixir persoalmente a editorial, que ata o de agora dirixía a súa sobriña Fabiola Sotelo. Para celebrar estas vodas de prata da editorial anunciouse tamén a publicación dun libro que inclúe a opinión de 25 persoeiros do mundo da política, a sociedade e a cultura galegas sobre a evolución do país no último cuarto de século. Amais realizará no mes de abril un ciclo de conferencias e actos culturais coa participación de relevantes intelectuais como José Saramago ou Xosé Luís Méndez Ferrín.
Máis información en Vieiros
